  
|
 |
 |
ارسم قلم
|
|
|
|
|
|
نفسك تصرخ
من الألم
امسك قلم
وانزف بحبره ع الورق
واترك همومك للغرق
وانفد بجلدك من متاهات
العدم.. تنسى الألم
شّكل حروف خوفك من اليوم
اللى جاى لابتسامات تترسم
عود ملامحك ع الفرح
عود شفايفك تبتسم
مع كل صبح يمر ويصبح عليك
وافتح عنيك
على دنيا لوحه جديده
والريشه في ايديك
لون خدودها بلونك الوردى
غير ملامحها القديمه كلها
واقطف بإيدك طرح خيرك منَّها
وألضم سنين عمرك في عقد
يكون دهب، تهديه لها
من غير سبب صدقني هتشوف العجب
وابنيلها من الباقى بأيامك
في بيت على قدها أو ..........
على قد ما الألوان تكفى
خلفيتك خليها دايما لون سماك
والصبر جيش جرار وراك
وان فاضت الألواك معاك
ابقى افتكر.. ارسم قلم |
|
|
|
|
|
|
|
